Ipigsugo kan Korea Constitutional Court an pagbabalik kan poder ni Prime Minister Han Duck-soo, makalihis ining ma-impeach bilang acting president duwang bulan na an nakakalihis.
Marurumduman na nagribay si Han bilang acting leader makalihis na ma-impeach si President Yoon Suk Yeol, huli sa pagdedeklarar nin martial law kan nakalihis na taon.
Kasunod kan kasuguan kan korte, pinag-aantisiparan na tulos na mabalik sa pwesto si Han.
Nagdurar sana nin dae maabot sa duwang semana si Prime Minister Han sa pwesto antes siyang ma-impeach asin masuspinde kan Disyembre 27 kan nakalihis na taon, makalihis makabangga an parliament huli sa pagsayuma na pag-appoint nin tulong justices sa Constitutional Court.
