Ibinasura kan korte sa Muntinlupa City an apela na nagkokontra sa dae pag-imbwelto ki dating Senator Leila De Lima sa iligal droga.
Sa desisyon na ipinaluwas kan Muntinlupa City Regional Trial Court Branch 206, ibinasura kaini an mosyon kan prosecutor na pighahagad na baliktadon an acquittal ni De Lima.
Inakusaran pa kan prosecution na na nakuwa kan korte an grave abuse of discretion sa ruling kaini.
Marurumduman na kan Hunyo, ibinasura na kan RTC an third asin final drug case na ipigsunad ki De Lima huli sa kawaran nin bastanteng ebidensya.
Kapareho ini kan mosyon na ipigsunad ni De Lima kan 2021 dapit sa ibang drug case sa suway na korte sa Muntinlupa na inaprubaran kan korte.
