Ibinasura kan Seoul Western District Court an kahagadan ni impeached South Korean President Yoon Suk-yeol na ipawarang bisa an detention asin search warrants kontra saiya.
Sa ipigsunad kayang injunction kan legal team ni Yoon, hinagad kaini na suspendiron an warrants huli sa suboot pagigin iligal kaini.
Nagpahiwatig man an abogado ni Yoon na si Yun Gap-geun sa posibilidad na i-apela an nasabing ruling sa Korte Suprema.
Ipigdupn kaini na warang pusog an pagbasura sa saindang apela sa legal validity kan nasabing warrants.
Mientras tanto, inaprubaran man kan kaparehong korte an warrant ngani na ikulong si Yoon para sa questioning katakod kan nagin papel kaini sa nagpalar na deklarasyon nin martial law kan Disyembre 3, 2024.
Nagpaluwas man ini nin warrant ngani na haluggugon an presidential residence compound sa central Seoul.
Marurumduman na binalo kan Corruption Investigation for High-ranking Officials na na isirbi an warrant alagad nagpalyar sinda makalihis an anom na oras na standoff sa Presidential Security Service ni Yoon na nagharang sa establishimento.
