Ikinasal na si Korean actor So Ji Sub susog sa kumpirmasyon kan agency kaining 51K ngonyan na aldaw, Abril 7.
Segun sa talent agency, nakatuparan na ni Ji Sub an personang importante saiya kaya nagdesisyon nang magpakasal ki Jo Eun Jung.
Enot na inanunciar kan duwa an relasyon kan 2019 kun sain nagpromesa pa na magigin “partners for life” na may pagtitiwala asin pagkamoot sa lambong saro.
Bulos man an pagbati para sa duwa na nagdesisyong isapribado an espesyal na okasyon.
Ini bilang pagrespeto man sa kinakahampang na krisis kan kinaban huli sa coronavirus.
Si Ji Sub an nabisto sa pagbida sa mga Korean Drama series siring kan “Code Name: Terrius”, “Oh My Venus”, “Master’s Sun” asin dakol na iba pa.
An naagom kan actor na si Eun Jung an dating reporter kun sain nagkaigwa pa nin tsansang ma-interview kan 2018 si Ji Sub antes na magretiro.
