Pigtawan doon kan mga kongresistang miyembro kan Makabayan Bloc na repleksyon sa dekada nang korapsyon sa Department of Public Works and Highways o DPWH an matinding pagbaha na na-eksperyensyahang kan nakaaging Sabado sa Metro Manila.
Segun kinda Representatives Antonio Tinio kan ACT Teachers Party-list asin Renee Louise Co kan Kabataan Partylist, dagdag pang patunay kaini an isiniwalat ni Quezon City Mayor Joy Belmonte na duwa sana an inaprubaran kan LGU hale sa 254 DPWH flood control projects na nagkakantidad nin P14.24 billion mantang 138 sana sa 1,652 DPWH projects sa Quezon City an may certificates of coordination.
Makadagit para kay Tinio na mantang nagdudusa asin nawawaran nin kabuhayan an namamanwaan huli sa baha an padagos na nagpapasasa sa kwarta kan taumbayan an mga tiwaling opisyal asin an saindang mga kasabwat na contractor sa paagi kan overpriced, substandard, asin minsan an ghost na mga infrastructure projects.
Pagdoon man ni Rep. Co, dae dapat magin normal an pagbaha tuyong nag-uuran , kaya tama na suboot an pagkunsinti sa mga corrupt na opisyal asin dapat na sindang manimbag.
.){kind=link}