LEGAZPI CITY- Nagpahayag nin pagkontra an sarong Bicolanong kongresista sa kontrobersyal na propuesto na parte kan transitory provision sa draft federal charter na nagsasabing an Senate President an maribay sa presidente, imbes na an bise presidente.
Ipig-eksplikar ni Ako Bicol Party-list Representative Alfredo Garbin Jr. sa intrevista kan Bombo Radyo Legazpi na dae nagpapahiling nin stability kan Konstitusyon an nasabing lakdang mientras na piglalaomang pirmi na ining mahahampag sa mga kwestiyon siring na sana kan nangyari sa Kamara.
Tinuyaw pa kan kongresista an garing sala suboot sa “arithmetic sequence” kun sain puon sa “number 2”, naglukso sa “number 4” kun susundon an nasabing lakdang.
Ipinagirumdom pa kan opisyal na anuman an provicion na nakalatag sa Konstitusyon an dapat na stable asin nakaka-adopt sa mga pagbabago na dae suboot makukua kun dakol an nagkokontra.
Segun pa ki Garbin na wara nin analohiya na mai-apply sa nasabing provicion an electoral protest ngonian kontra ki Vice President Leni Robredo na ipigsunad ni dating Senador Bongbong Marcos asin pighihiling na wara man na rasonableng pighuhugutan tangarig na hilingon ini bilang basehan.
