Pangapudan kan kontra daya na ipaliwanag nin marhay kan Commission on Election an planong pagrequire nin 10 nominees sa kada partylist ngunian na 2025 election.
Segun kay Prof. Danilo Arao, an Convenor kan Kontra Daya Watchdog sa intrevista kan Bombo Radyo Legazpi, dapat na ipaliwanag kan Comelec lalo na sa sitwasyon na dae man nagbabago an basis sa allotment of seats kan mga Partylist.
Pigsabi ni Arao na maximum pa man na igwang tulong tukawan lang para sa kada Partylist.
Kun gigibuhon suboot na sampulo an listahan kan mga nominado an dapat pag-adalan kan Comelec kun applicable pa man an maximum na 3 seats.
Dae suboot mapapano an labi sa 60 na alloted seats para sa Partylist representive kun diit lang an mapartisipar na Partylist.
Ssa ibong na lado, labi sa 100 an pig reject kan Commission na mga Partylist group na nagpahayag nin intensyon na magpartisipar sa masunod na eleksyon.
Mientrastanto, segun pa sa opisyal na haloy na nindang pigpapangapudan na busision an mga Partylist na gustong mag qualify sa election.
Istorya pa kaini na kan nakalihis nindang pag-aadal para sa election 2024, labi sa 70% an dae tunay na kumakatawan sa interes kan mga nasa laylayan kun saen an iba suboot an parte pa nin political dynasty.
