LEGAZPI CITY—Ipigdoon ni Federation of Free Farmers Chairman Leonardo Montemayor na kinakaipuhan nin mga konsultasyon en kaso iimplemantar an pagpapahewas kan produksyon nin palm oil sa Pilipinas.
Segun sa opisyal sa intrevista kan Bombo Radyo Legazpi, kaipuhan an mahewas asin makahulugang konsultasyon sa mga apektadong sektor magin sa mga komunidad—siring kan komunidad kan mga katutubo, settlers, mga paraooma, asin mga nakaistar sa mga kabuludan, nganing masabutan kan namamanwaan asin ipigtatao ninda an saindang consent.
Sa paagi nin mga konsultasyon an nasasabutan kan mga apektadong sektor an potensyal na magin benepisyo sainda magin an paninimbagan. Pagdoon pa kaini na kun maayos na naimpormaran an namamanwaan mapadapit digdi an makakagibo man sinda nin tamang desisyon.
Dugang niya na mas maray na may mga nakasurat na kasunduan, follow up magin an actual monitoring na compliance kun igwa nin kasunduan, pag-adalan urog na kan mga ahensya de gobierno siring kan Department of Agriculture, Department of Agrarian Reform, asin National Commission on Indigenous Peoples; siring man an tamang pasahod asin benepisyo para sa mga obrero.
Sinaysay pa ni Montemayor na kaipuhang magin komprehensibo sa mga lakdang bako sana sa puon kundi magin sa oras kan implementasyon kan naunambitang mag proyekto.
