LEGAZPI CITY – Planong tutukan sa masunod na taon kan konseho kan Barangay Baligang, sa banwaan kan Camalig, Albay an pagbubugtak nin mas dakol na street lights asin Closed-Circuit Television (CCTV) sa bisinidad kan saindang lugar.
Segun ki Punong Barangay Jocelyn Ventura sa intrevista kan Bombo Radyo Legazpi na an naunambitang plano an may katuyuhan para sa pag-monitor asin pagtunton kan mga nangyayaring aksidente na makakatabang para sa pagmamantenir kan pazy orden.
Basado kaya sa saindang assessment an kalimitan na may maaksidente sa saindang lugar kun sain kadaklan sa mga ini an nasa impluwensya nin arak, asin huli sa tinampong pig-aagihan urog na kun sa mga kurbadang parte.
Plano man nindang matakluban an mga nakabukas na mga kanal sa saindang barangay nganing malikayan an peligro sa buhay kan siisay man na maiimbwelto sa aksidente.
Alagad sa presente pigtaram kan opisyal na mawot muna nindang enuton an pagbabantay ngonian na paparani an bagong taon urog na an mga naggagamit nin mga paputok sa mga kakalsadahan sa saindang lugar.
Punto niya na labing delikado an paputok para sa mga motorista kun kaya kahagadan ninda na ibitaran an pagsindi nin paputok sa mga kakalsadahan nganing malikayan an aksidente.
Kahagadan ni Ventura sa saiyang nasasakupan an pagkakasararo asin pagtatarabangan sa taong 2026 para sa pag-uswag kan Barangay Baligang.
 in the vicinity of their area.){kind=link}