LEGAZPI CITY – Ipigdoon kan konseho kan Barangay Rawis, Legazpi City na pwedesir sindang magdesisyon na magrequest sa Commission on Elections (COMELEC) nganing magkondusir nin satellite voter registration sa saindang lugar.
Segun ki Punong Barangay Joel Orosco sa intrevista kan Bombo Radyo Legazpi na pwedesir nindang gibuhon an naunambitang lakdang enkaso wara pa saindang ipigtao na schedule an komisyon.
Mawot man nindang linawon sa Comelec kun isasabay ninda sa satellite voter registration an pagpapalipat nin lugar sa voter information urog nang nagdadangadang an Barangay and Sangguniang Kabataan Elections.
Kahagadan niya man sa ahensya na abisuhan sinda nin dae mababa sa duwang aldaw antes an mismong aldaw kan saindang pagpasiring sa Barangay Rawis nganing matawan man sinda nin maray na asistensya kan saindang konseho.
Pagdoon man kan opisyal na dakulang tabang sa saiyang nasasakupan kun saro an saindang barangay sa pagsasagibuhan kan satellite voter registration nganing dae na sinda magastusan nin maray kun maduman an mga bagong botante sa mismong opisina kan komisyon.
Nangapodan man si Orosco sa saiyang kahimanwang bako pa botante na aprobitsaran an mga satellite voter registration kan Comelec nganing magamit an saindang diretsos na pumili asin mag-elihir nin tamang lider.
 to conduct satellite voter registration in their area.){kind=link}