LEGAZPI CITY- Ipigduon kan sarong kongresista na warang kinaaraman an Office of the President sa impeachment complaint na ipigsunad kontra ki Vice President Sara Duterte.
Ini an huli sa pagdududa kan publiko sa tahaw kan hidwaan sa pagultangan ninda Presidente Ferdinand Marcos Jr. asin kan bise presidente.
Marurumduman na enot na man na ipighayag kan presidente na bako siya pabor sa nasabing impeachment complaint huli ta pagsasayang sana ini sa oras.
Segun ki Kabataan Partylist Representative Raoul Manuel sa intrevista kan Bombo Radyo Legazpi na sadiring inisyatiba kan mga namamanwaan an nasabing reklamo.
Marurumduman na an kongresista an nag-endorso sa ika-duwang impeachment complaint kontra sa bise presidente.
Pigduon ni Representative Manuel na dae naglalaom an mga complainants sa kamawotan kan presidente huli ta aram ninda na igwa man ining sadiring interes.
