LEGAZPI CITY – Padagos an monitoring ni Albay 1st District Representative Krisel Lagman mapadapit sa danyos na ipigwalat ni Bagyong Opong sa provincia.
Segun saiya sa intrevista kan Bombo Radyo Legazpi na wara man nin danyos sa imprastraktura alagad nakapagrehistro nin danyos sa agrikultura partikulamente sa banwaan kan Malinao kun sain naapektaran an mga omahan.
Igwa man suboot nin poco mas o menos 36,000 na pamilya an nag-ebakwar sa primer distrito sa panahon kan pananalasa kan naunambitang bagyo.
Na restore na man an mga kuryente sa nasabing distrito mantang padagos na pigtatrabaho na maibalik an kuryente sa mga isla.
Pigtaram pa kan opisyal na padagos na an saindang paghahanap nin tabang sa mga nasalanta kan bagyo partikular na an provincia kan Masbate na labing napuruhan sa pangrarapado ni Opong.
Nagsagibo na nin pag-oolay an Bicolano lawmakers sa House of Representatives nganing makaguno nin pledges para sa mga rehabilitation asin pagbubuwat liwat kan nasabing provincia.
Piglinaw niya man eenuton munda ninda an saindang provincia asin rehiyon mantang nakatalaan man nindang ka-olayon si House Speaker Faustino “Bojie” Dy III para sa tabang na itatao kan kamara.
