LEGAZPI CITY-Suspendido an face-to-face classes asin trabaho sa nagkapirang campuses asin trabaho sa nagkapirang campus kan Bicol University poon alas 12 nin udto ngonian na aldaw, Oktubre 8, 2025.
Segun kay Engr. Alwin Lunas, kan College of Electrical Engineering, sa intrevista kan Bombo Radyo Legazpi, na tulos man na nagpaluwas nin memo an Presidente kan Unibersidad para e-evacuate an mga estudyante, faculty, asin staff ngani masierto an kaligatasan sa lugar.
Makalihis ini na makaresibe suboot nin bomb threats an official social media page kan nasabing unibersidad.
Basado sa iba pang impormasyon na nanotaran man suboot na sakop kan nasabing bomb threat an Bicol University East asin West campus sa banwaan kan Daraga, Albay.
Bilang parte kan pagiingat, tulos man na nagsagibo nin safety assessment an mga otoridad sa nasabing lugar.
Basado man sa anunsyo kan unibersidad, sinabi kaini na dai ninda pigsasawarang bahal an suboot peligro kan banta sa lugar.
Mientrastanto, nagpapadagos man ngonian an imbestigasyon sa nasabing insidente
