Matao an Kingdom of Jesus Christ nin P20-M sa makakapagturo kan nagdonate nin P10 milyon na pabuya para sa pagkakaarestar ni Pastor Apollo Quiboloy.
Segun sa abogado ni Quiboloy na si Atty. Israelito Torreon, mawot na maaraman kan Kingdom of Jesus Christ kung sisay asin ano an posibleng rason kan donor kung nata mawot kaining ipaarestar an pastor.
Tinawang duon naman ni Torreon na iligal asin suway sa ley an pag-ako ni Department of Interior and Local Government Sec. Benhur Abalos sa donasyon na pabuya na pigsasabing hali sa sarong pribadong indibidwal.
Base suboot sa Republic Act 6713, bawal na magresibe nin donasyon, regalo, pabor, loan asin anuman pa man na bagay an sarong opisyal kan gobyerno.
Nilinaw man kan abogado kan pastor na hali an saindang itataong P20 milyon na offer sa donasyon kan mga miyembro kan Kingdom of Jesus Christ na nasa pitong milyon.
Magigirumduman na Hulyo 8 kan ianunsyo ni Secretary Abalos na may P10 milyon ng patong sa payo ni Quiboloy.
Pighahanap kan mga otoridad an Pastor huli ta wanted ini sa mga kasong child abuse asin sexual abuse sa Pilipinas asin Estados Unidos.
