LEGAZPI CITY—Pabor an grupong Kilusang Magbubukid ng Pilipinas na magkaigwa nin imbestigasyon an Senado mapadapit sa suboot overpriced na farm to market to roads.
Magigiromdomang ibinuyagyag ni Senate finance committee chairman Sen. Sherwin Gatchalian an “extremely overpriced” na nagkakantidad nin P10 billion na farm to market to roads durante kan hearing para sa propwestong P176.7 billion budget kan Department of Agriculture.
Segun ki former Department of Agrarian Reform Secretary and Chairman emeritus, Kilusang Magbubukid ng Pilipinas Rafael Ka Paeng Mariano, sa intrevista kan Bombo Radyo Legazpi, na dapat magkaigwa nin transparency asin ma-subject sa special audit an pag-iimbestigar sa isyu asin maaraman kun siisay an mga indibidwal na imbuelto digdi.
Tinawan-duon man kan opisyal na nakakamaray asin nasa interes suboot an imbestigasyon para sa paraooma asin sa namamanwaang Pilipino nganing maaraman sa kun siisay an mga indibidwal na imbuelto o nakikinabang sa mga maanomalyang proyekto.
