LEGAZPI CITY- Maduong kinondenar kan Kapisanan ng mga Broadkaster ng Pilipinas (KBP) Albay Chapter ang panggagadan sa brodkaster sa provincia.
Magigirumduman na papalaog na kuta sa AM radio station si Joey Llana, 38-anyos kasubagong maagahon para sa programa kaini kan tambangan kan dae pa nabibistong suspek.
Sa intrevista kan Bombo Radyo Legazpi ki KBP Albay chairman Tito Ordinario, nagpaabot ini nin pakikidumamay sa nawalat na pamilya ni Llana kasabay kan paghahayag kan pagkondenar sa nangyari sa kaibanan sa broadcast industry.
Katakod kaini, nangangapodan man si Ordinario sa mga kapwa taga-media na magin vigilant urog na bako man aram kun siisay an natatamaan kan mga komentaryo magin an mga may pigtatagong dagit sa mga ini.
Abiso man kaini an mahigot na pag-otob sa responsableng pamamahayag mantang magin objective asin patas sa anuman na pigdidiskutir na isyu sa ere.
Inasegurar man kaini an koordinasyon kan KBP Albay sa ipigsasagibong imbestigasyon sa nangyari.
