Makakigkig an resulta kan enot na laban sa Group H kan FIFA World Cup 2026 kan an laban sa pagitan kan 2010 World Champions Spain asin kan debutant na Cape Verde an natapos sa 0-0 draw.
Ginibo an laban sa Mercedez Benz Stadium sa Atlanta, USA asin natapos nin alas-2 nin maagahon (oras sa Pilipinas).
Nangibabaw an world no. 3 Spain na laban na may 21 shots for goal alagad bako gabos kaini an nakalusot sa 40-anyos na si Vozinha na siyang goalkeeper kan Cape Verde.
An Spain an sarong European powerhouse asin nanggana sa FIFA World Cup kan 2010. Ini an saindang ika-17 na pagpapahiling sa World Cup asn target na makabawi ngunyan na taon makalihis madaog sa sa Round of 16 kan 2022 sa Qatar.
An Cape Verde an nasa ika-64 na pwesto — an panduwang pinakamababang ranggo na na koponan sa 10 kinatawan kan Africa sa World Cup ngunyan na taon. Ini an enot na pagkakataon na nakalaog sinda sa World Cup.
