LEGAZPI CITY- Kinumpirmar kan Legazpi City Fire Department an pagbungkaras nin kasulo kasubanggi sa Purok 2 Brgy. Bitano digdi sa ciudad.
Sa intrevista kan Bombo Radyo Legazpi ki SFO4 Juanito Mendilla kan nasabing ahensya, alas-12:09 kan maipaabot sainda an impormasyon sa pagbungkaras nin kasulo sa residencia kan sarong Josefa Crosana.
Duwang eskalon na edificio an naapektaran kaini na nagsapar nin dikit na danyos.
Makalihis an trenta minutos kan maideklara na ining fire under control meintras na wara naman na ibang harong na nadamay asin wara man na nairehistrong nakulugan sa nasabing insidente.
Sa ngonian, nagpapadagos pa an ipigsasagibong evaluation kan ahensya sa pinag-ugatan kan nasabing kasulo alagad enot nang pigtubudan na sarong nag-overheat na electric fan an kawsa kaini.
