LEGAZPI CITY-Nasangatan na nin kasong murder si Sangguniang Bayan Councilor Mihrel Senatin makalihis an pambabadil niya kay Ibajay Vice Mayor Julio Estolloso kan biyernes.
Basado sa inisyal na report kan Ibajay Municipal Police Station asin kan Police Regional Office 6, na igwang lisensya to own a firearm an suspek kaya nagin rason ini para magkaigwa siya nin badil.
Tulos man na inarestar an suispek sa laog kan saiyang harong aisn sa presente nasa kustodiya kan pulisya.
Kasunod kaini, pignegaran kan Sangguniang Bayan an pagtrato kan biktima kay Senatin asin nilinaw na normal an pagkakaigwa nin debate sa laog kan konseho alagad bako ini personal.
Huli sa insidente, an entry asin exit sa Ibajay Municipal Office magigin saro na sana kung sain ipapaotob an mahigot na inspeksyon sa kagamitan kan sisay mang magprobar na maglaog sa opisina.
Mientrastanto, afuera sa mga pinahogot na seguridad sa buong munisipalidad magsasagibo man nin assessment an mga doktor sa provincia ngani masierto na nasa marhay na estado saindang mga empleyado.
