LEGAZPI CITY – Pighihiling kan bise alkalde kan banwaan kan Sto. Domingo na sangatan nin kaso an saindang alkalde na si Mayor Herbie Aguas katakod naman kan pagtangkas sa tulong empleyado sa municipyo.
Sa intrevista kan Bombo Radyo Legazpi ki Vice Mayor Bong Banda, hinali suboot an mga empleyado huli sa nawaran nin tiwala an akalde digdi base naman sa naging pahayag ni administration officer Jun Aguas kan sainda ining makaolay.
Sinabi pa suboot kaini na wara mang personalan sa likod kan nasabing lakdang alagad pighihiling kan opisyal na an isinangat na kasong graft sa alkalde kan empleyadong si Vilma Pascual an rason sa pagkakahali kaini sa trabaho.
Huli digdi, plano nindang magsangat man nin kasong abuse of authority sa alkalde sa basang na paghali sa tulong empleyado.
Pighahalat man ni Banda asin Pascual an magiging desisyon kan Office of the Ombudsman dapit sa kaso.
Sa huri, naglalaom an bise alkalde na matatawan nin aksyon kan mga otoridad an iligal na pagpapahali sa trabaho sa mga empleyado.
