Ipigdoon ni Senador Bong Go na an isinunad kaso ni Dating Senador Antonio Trillanes laban saiya, an parte kan “diversionary tactics” nganing ilihis an atensyon kan publiko sa tunay na isyu kan korapsyon sa gobyerno.
Sa pulong balitaan, sinabi kan senador na an dapat bukudon iyo an mga tunay na imbwelto sa katiwalian asin ghost projects sa irarom kan flood control program kan gobierno.
Salang tawo suboot an pigpupuntirya ni Trillanes asin ngata suboot dae kaini kasuhan an mga totoong korap.
Pigsierto man kan senador na dae niya ginamit sa anuman na paagi an negosyo kan saiyang pamilya asin dae niya ginamit an saiyang pwesto nganing paboran an mga ini.
Magigirumduman na nagsunad nin kasong graft asin plunder si Trillanes laban kinda Go asin Duterte sa Ombudsman katakod sa pagpabor asin paglaog nin P7 bilyon na government infrastructure projects sa kumpanya na pagsasadiri kan tugang asin ama kan senador.
