LEGAZPI CITY-Uminabot na sa 1,203 an total na kaso kan Influenza-Like Illness o ILI sa Manila poon kan Enero makalihis na makarecord nin 33 na panibagong kaso ngonian na bulan nin Agosto.
Inatribwir kan mga otoridad an paglangkaw kan kaso kan gari trangkaso na helang na kasabay kan ubo asin sipon huli sa padagos na pag-uran sa nacion.
Sinundan ini kan leptospirosis na nakarekord nin apat na panibagong kaso ngonian na Agosto kun saen nagdara ini sa 556 na kaso, asin ikatulo naman an dengue na may 2,541 total na kaso poon kan Enero.
Mientrastanto, wara man nin bagong kaso nin Cholera, Typhoid Fever, COVID-19, asin Severe Acute Respiratory Infection o SARI an nairekord sa ciudad basado sa report kan administrasyon kan ciudad.
Nagpagirumdom an DOH sa publiko na maging alerto sa sintomas asin magsunod sa mga simpleng lakdang ngani maprotehiran an sadiri asin an komunidad.
Nangapudan man an ahensya na an sisay man na nakakamati nin sintomas, tulos na magpakonsulta sa pinakaharaning ospital ngani na mabulong tulos an helang.
