LEGAZPI CITY—Nakaalerto ngunyan an kapulisan kan Catanduanes para sa posibleng epekto kan pigbabantayang raot nin panahon sa nacion.
Segun ki Catanduanes Police Provincial Office PIO Police Lieutenant Colonel Emsol Icawat, sa intrevista kan Bombo Radyo Legazpi, na nagsagibo an opisina nin inspeksyon sa saindang Disaster Emergency Assistance Response teams nganing maaraman na preparado sa pagresponde sa oras na magkaigwa man nin sakuna.
Obheto kan nasabing team na kompwesto nin labi 130 personahes an pagresponde, search and rescue, retrieval operations magin sa relief operations.
Mensahe ni Icawat sa namamanwaan na mag-antabay sa mga anunsyo urog na kan state weather bureau mapadapit sa naunambitang raot kan panahon.
