LEGAZPI CITY — Ipigpasalamat kan lokal na opisyal kan Barangay Muladbucad Pequeño sa banwaan kan Guinobatan an suboot bastanteng suplay nin mga relief goods na ipigtatao sa saindang lugar.
Segun kay Kapitana Remedios Mar, kan nasambit na barangay, sa ngunyan an padagos pa man an pag-abot nin ayuda para sa nasa 500 nindang mga residentes na nagtitinir sa tolong evacuation sa barangay Quitago kan kaparehong banwaan.
Napag-araman na Enero 22 kan mag-ebakwar an nasabing mga residentes huli sa pagsangat kan status kan Bulkang Mayon sa Alert Level 4.
Alagad, ipighayag kan opisyal na maski na ngani may mga nag-aabot man na tabang sa sainda an dakula man giraray an kamawotan kan mga residentes na makabalik na sa saindang residensiya.
Mientras tanto, sinierto kan opisyal na padagos man giraray an saindang pagbabantay sa aktibidad kan nag-aalburutong bulkan nganing an seguridad kan mga apektadong residentes.
