LEGAZPI CITY – Tinawan nin pagmidbid kan Gobierno Provincial kan Albay an kapitan kan Barangay Dap-Dap, Legazpi City makalihis na matawan nin honra kan Civil Service Commission (CSC) bilang Regional Dangal ng Bayan Awardee.
Segun ki Kapitan Glenn Barcelon sa intrevista kan Bombo Radyo Legazpi na sarong ining dakulang honra nin huli ta ini an enot na pagkakataon sa bilog na nacion na sarong kapitan kan barangay an nakaresibi kan award.
Dae kaini piglaoman na siya an napili nin huli ta haloy nang panahon nang nasa national agencies, mga paratukdo, asin may mga haralangkaw na posisyon an napipili na magresibi kan nasabing honra.
Importante man suboot ini para sa gabos na barangay official sa Pilipinas nin huli ta ini an patunay na nahihiling kan CSC an kapagalan kan mga ordinaryong namamayo sa barangay.
Pigtaram pa ni Barcelon na nagbunga man an pagal kan saindang konseho na pagayunon an saindang lugar sa mga nareresibi nindang pagmidbid asin honra.
Promesa kaini na sa saiyang nasasakupan na mas lalo ining mapursige asin mas lalong magpapakarhay sa saiyang trabaho bilang lider kan saindang barangay.
Sa presente, mawot nindang makuwa an saindang ikatulong taon bilang magin seal of good governance awardee.
Pangapodan kan opisyal sa residentes kan barangay Dap-Dap na ipadagos sana an pagtatarabangan nin huli ta ini an nagigin kakusugan kan saindang barangay na nagkakasararo an asin nakikioperar an gabos.
 as a Regional Dangal ng Bayan Awardee.){kind=link}