Maabot sa P1 million an kantidad na magagastos para sa pagpapakarhay kan naraot na parte kan barko kan Bureau of Fisheries and Aquatic Resoruces (BFAR) makalihis bombahan nin water cannon kan barko kan China Coast Guard (CCG) harani sa Sandy Cay sa West Philippine Sea.
Naenot nang ibinareta kan BFAR na nadanyaran an port bow asin smokestack kan BRP Datu Sanday makalihis gitgitan asin bombahan nin water cannon kan barko kan China mantang nagsasagibo nin routine maritime research sa lugar.
Segun kay BFAR spokesperson Nazario Briguera, nayupi an enotang parte kan barko kun kaya kaipuhan ining ayuson asin pwedesir umabot suboot nin hasta milyon an magagastos.
Sa ibong kan nadanyaran an barko, wara man suboot na nalugadang personnel sa insidente asin nakumpleto an saindang research mission.
Nakatalaan mang tipunon an gabos na resulta na saindang naguno na samples saka maluwas nin komprehensibong resulta.
Mientrastanto, sa ibong kan padagos na agresyon kan China, ipagpapadagos pa man suboot kan gobyerno kan Pilipinas an Kadiwa ng bagong Bayanihang Mangingisda program nganing matabangan an mga parasisira sa West Philippine Sea.
 ship after it was bombed with a water cannon by a China Coast Guard (CCG) ship near Sandy Cay in the West Philippine Sea.){kind=link}