Hinagad kan kampo ni Vice President Sara Duterte sa sarong korte sa Quezon City ang pagbasura sa kasong grave threats na isinunad laban saiya.
Kinumpirmar kan abogado ni Duterte na si Paul Lim an pagsunad nin motion to quash sa tulong counts nin grave threats, na nakabatay suboot sa kawaran nin hurisdiksiyon kan korte.
Nagsayuma man an abogado na magtao nin dagdag na detalye huli nakabinbin na sa korte ang orolay.
Samantala, kinumpirma ni Prosecutor General Richard Fadullon kan Huwebes, Agosto 13 na nakaresibe ang Department of Justice nin abiso kan Miyerkoles mapadapit sa court order na nagsusugo sa prosecution na magsimbag sa mosyon.
Segun ki Fadullon, pighahalat ninda an pormal na sugo hale sa RTC para magtao nin komento.
Kan Martes kinasuhan nin tulong counts nin grave threats si VP Sara sa Quezon City Regional Trial Court.
An mga kaso an mapadapit sa suboot assassination plot laban kay Presidente Bongbong Marcos, First Lady Liza Araneta-Marcos asin dating House Speaker Martin Romualdez.
