LEGAZPI CITY- Inihayag kan sarong political analyst na magigin difisil para sa kampo ni Vice President Sara Duterte kun pagtibayon kan Korte Suprema an nagin ruling kan Senate Impeachment Court na pagbaba kan voting threshold.
Ini an katakod kan nagkapirang petisyon na ipigsunad sa Supreme Court na naghahagad na ipawarang bisa an nagin desisyon Impeachment court na magin basehan kan 2/3 threshold an mga miyembro na presente asin may kakayanan na makaboto sa paglilitis.
Segun ki Prof. Amir Solon Sison sa intrevista kan Bombo Radyo Legazpi na kun suportaran kan Kataas Taasang Humukan an legitimacy kan pagbabago kan threshold, magigin difisil ini para sa minorya kan mga senador asin sa kampo ni Vice President Sara Duterte.
Magigin dakulang angat man suboot ini para sa lado kan bise presidente.
Alagad nilinaw na an anuman na desisyon kan Korte Suprema an dae man makakapagpabago sa kapalaran ni Vice President Sara.
