Pinahimutikan kan kampo ni Senator Ronald Dela Rosa an pahayag kan National Bureau of Investigation (NBI) na “armed and dangerous” ini, mantang nagpapadagos an operasyon kan mga otoridad katakod kan arrest warrant hali sa International Criminal Court (ICC).
Sa sarong pahayag, sinabi kan legal counsel ni Dela Rosa na si Atty. Jimmy Bondoc na warang katotoohan an nasabing pagsasalawadan sa senador.
Segun ki Bondoc na an NBI an “armed and dangerous” huli ta armado an mga tauhan kaini kan magkondusir nin operasyon ngani na iserbi an warrant na dae pa suboot naipapahiling sa kampo kan senador.
Marurumduman na enot ng sinabi ni NBI Director Melvin Matibag na standard protocol sana kan ahensya na ikonsiderar bilang “armed and dangerous” an gabos na subject kan operasyon o mga indibidwal na seserbihan nin warrant bilang parte kan saindang security precautions.
Ipinaliwanag ni Matibag na pirmihan na preparado an mga operatiba sa posibilidad na armado an saindang target ngani na masierto an kaligtasan kan mga tauhan sa operasyon.
