Nangapudan na an kampo ni Bamban, Tarlac Mayor Alice Guo sa Presidential Anti-Organized Crime Commission nin patas na imbestigasyon sa pigkakahampang na mga isyu asin kontrobersiya.
Ngunyan na aldaw kan magpadara nin anom na pahinang surat an kampo kan alkalde sa komisyon.
Nakalaag digdi an pangapudan kan alkalde para sa patas na imbestigasyon asin nagpromesa man na makikipagtabangan sa pag-aram sa katotoohan.
Segun kay Atty. Lorelei Santos, an abogado kan alkalde, naging sentro nin kontrobersiya si Mayor Guo huli sa mga akusasyon na piggagapo saiya siring kan suboot pagiging ispiya kan China, pagkakaimbwelto sa human trafficking, kidnapping, money laundering asin sa iligal na operasyon kan Philippine Offshore Gaming Operator.
Dae pa man suboot nakakapagdesisyon an korte, labing naraot na an imahe kan alkalde huli sa nasabing mga akusasyon.
Magigirumduman na enot ng kinumpirma kan Presidential Anti-Organized Commission na plano nindang magsumitir nin kaso kontra sa alkalde huli sa suboot koneksyon kaini sa mga iligal na aktibidad na nangyayari sa saindang lugar.
