Aminado an kampo ni Former President Rodrigo Roa Duterte na mapagal nang maibalik sa Pilipinas an dating presidente buhat kan madetena sa ibang nacion.
Kun saen pigtuga mismo kan saro sa mga abogado kaini na kabale sa mga nagsunad nin writ of habeas corpus ni Kitty Duterte para sa saiyang ama na bako arug kaito kadali an pigkakahampang na sitwasyon.
Sa ekslusibong intrevista kan Bombo Radyo kay Atty. Salvador Paolo Panelo Jr., counsel for the petitioner, sinabi niyang mapagal nang ma-otob an pighagad kan saindang lado urog pang nasa kustodiya na kan International Criminal Court (ICC) an dating presidente.
Alagad piggiit man kan nasabing abogado na bako importante sainda kung mapagal o madali man an aagihang proseso kundi nagtutubod ining mas importante na midbidon an saindang petisyon asin sabihon kaining iligal an pagkakaarestar sa dating presidente.
Maski ipinaliwanag ni Atty. Panelo Jr. na warang hurisdiksyon an Korte Suprema sa International Criminal Court, may kapangyarihan man suboot ini na suguon an gobyerno na siyang magbalik asin iprisenta sa hukom si Former President Duterte.
Siring man, kung enkaso mang dae katigan kan pinakahalangkaw na hukom an saindang petisyon, an nagluluwas sana suboot na pigtutugutan sana kan Korte Suprema na maulit pang giraray an pigtutubudan nindang iligal na pagkakaaresto sa dating presidente.
