Pigkwestyon kan kampo ni dating Sen. Bong Revilla Jr. an mga pigsumiter na manifesto kan nagkapira sa mga co-respondent kaini sa plunder complaint na saindang pigkakahampang.
Segun kay Atty. Francesca Señga, tagapagtaram kan dating mambabatas, ikinabigla ninda an pagsumite ni dating Department of Public Works and Highways Undersecretary Roberto Bernardo, Engr. Henry Alcantara, asin Gerard Opulencia nin kontra-salaysay.
Kasuodma, sa preliminary investigation manungod sa plunder complaint na isinangat laban sa sainda, personal na nag-atendir an mga respondents.
Alagad si dating Sen. Bong Revilla Jr. sana an nagsangat nin counter-affidavit sa prosekusyon mantang dae man an mga co-respondente.
Ipinahayag kan tagapagtaram ni Revilla na nagsumiter nin manifesto an mga ini na nagsasabing dae na sinda masimbag sa reklamo huli ta yaon na sinda sa irarom kan Witness Protection Program o state witnesses.
Huli kaini, ipinahayag kan tagapagtaram an saindang labing pagkabigla kun nyata garing si dating Sen. Bong Revilla Jr. sana an mawawalat sa kaso.
Nagluluwas suboot na bako patas o ‘unfair’ ini para sa dating mambabatas huli ta makalihis na magsangat nin reklamo, si Revilla na sana an pwedeng kasuhan.
An lado kan nagkapirang respondents na sinda dating Public Works Usec. Roberto Bernardo asin Henry Alcantara, nagsayuma na maghiras nin anuman na kumpirmasyon o komento dapit digdi.
Mantang si dating Sen.Bong Revilla an may pasaring dapit sa mga indibidwal na pirit siyang pigdadawit sa isyu nin corruption sa flood control.
Pigkwestyon kan dating mambabatas kun pano suboot nagtuturog an mga tawong ini na nag-aakusar saiya.
