Nagsumiter an kampo ni dating Presidente Rodrigo Duterte sa International Criminal Court (ICC) nin panibagong batch kan ebidensiya sa kasong pigkakahampang kaini sa war on drugs.
Basado sa dokumento na isinumiter kan Nobyembre 5 na igwang 13 klase nin ebidensiya an saindang isinumiter sa Office of the Prosecutor asin Office of Public Counsel for Victims (OPCV) na pirmado ni Atty. Nicholas Kaufman, ang abogado ni Duterte.
Alagad an nasabing mga dokumento an nagtenir na confidential kun saen para sana ini sa defense, prosecution asin Office of Public Counsel for Victims.
Ini na an panduwang batch na naisumiter kan kampo kan dating presidente na an enot an kan Setyembre na kompwesto nin 29 items.
Magigiromdomang nakakulong sa The Hague, Netherlands an dating presidente kun saen sinunadan siya kan ICC Prosecutor nin 49 murder asin attempted murder huli sa kampanya niya laban sa iligal na droga kan nin alkalde kan Davao asin presidente kan Pilipinas.
