LEGAZPI CITY– Naglalaom si Atty. Arnaldo Escober kan DILG Sorsogon na magkakaigwa nin magkakanigong kasimbagan an ipig-file na Motion for Reconsideration ni Bulan Mayor Helen De Castro maski na nasa dificil ining sitwasyon ngonian.
Katakod kaini, ipig-eksplikar ni Atty. Escober an mga legalidad sa mga aksyon na mawot kan kampo ni De Castro na mangyari.
Dismissal from sevice talaga suboot an pwedesir na kahampangon na penalidad kan nasa siring na sitwasyon urog na sa mga kasong ipigsangat digdi arog kan Conduct Prejudicial to the Best Interest of the Service, Grave Abuse of Authority, Grave Misconduct asin Serious Dishonesty.
Ipig-eksplikar pa kaini an nagkapirang sitwasyon kun saen igwa man suboot nagsumiter kan siring na mosyon na nagkaigwa nin reversal sa desisyon asin an nagkapira an pigbabaan an penalidad arog kan nangyari sa alkalde man kaito kan Sta. Magdalena kun saen dinismiss kan Ombudsman an administrative case kaini.
Aminado man ini na halawig na proseso man an kinakaipuhang pag-agihan.
