Nangapudan ngunyan an kampo ni dismissed Bamban, Tarlac Mayor Alice Guo sa Commission on Elections na ibasura an reklamong misrepresentation kontra saiya.
Sa counter-affidavit ni Guo, pigduon kaini na pigsunad niya an saiyang Certificate of Candidacy kun sain ipigdeklarar suboot an mga personal niyang impormasyon siring kan nasyunalidad asin address basado sa kapot niyang lehitimong mga dokumento na inisyu kan gobierno kan Pilipinas.
Pigduon kaini na dae siya nakagibo nin anuman na false material misrepresentation sa saiyang COC.
Kinuwestyon man ni Guo an validity kan mga ebidensya na pigpresentar ngani na patunayan na siya asin an Chinese passport holder na si Guo Hua Ping an sarong persona sana.
