Kinumpirmar ni House of Representatives spokesperson Princess Abante na nagsimbag na an kapulungan sa direktiba kan Korte Suprema na magtao nin impormasyon asin mga dokumento sa impeachment ni Vice President Sara Duterte nang nakapanumpa.
Nagpuon an sugo kan korte sa isinunad na mga petisyon kan kampo ni VP Sara na naghahagad na ipundo an impeachment trial laban sa Bise Presidente.
Sa sarong pahayag, sinabi kan House official na isinumiter na kan Office of the Solicitor General (OSG), na nagtitindog bilang counsel kan House an pleading online sa paagi kan Philippine Judiciary Portal asin isinerbi sa gabos nin concerned parties sa paagi kan electronic service.
Nakatalaan man suboot na magsumiter nin physical copy sa Korte Suprema sa paagi kan personal service sa aldaw nin Lunes.
Ipinaliwanag man ni Atty. Abante na an enot na tulong reklamo laban sa Bise Presidente an kaiba sa Order of Business sa laog nin 10-session-day timeline na minamandato kan konstitusyon.
An ikaapat man an sinusuportaran kan labi one-third nin miyemrbo kan Kamara, na ipinadara nin direkta sa Senado bilang Articles of Impeachment.
Sienerto man ni Atty. Abante sa publiko na magtetenir na abelable an due process para sa Bise Presidente sa bilog na impeachment trial nganing depensahan an saiyang lado asin magpresenta nin mga ebidensiya.
