Ipigrerespeto kan House quad committee an desisyon ni dating Presidente Rodrigo Duterte na dae pag-atendir sa pagdangog dapit sa extra judicial killings, illegal drugs trade, asin Philippine Offshore Gaming Operator.
Segun ki Committee Chair Cong. Ace Barbers na kun enkaso man na mag-atendir kuta an dating presidente, itatao kan komite an respetong akma saita bilang dating pamayo kan nacion.
Sinierto man kan kongresista na dae ninda ipapa-cite in contempt an dating presidente bilang pagrespeto sa saiyang dating posisyon.
Enot nang inimbitaran an dating presidente na mag-atendir sa mga serye nin pagdangog kan Quadcom huli sa pagkaka imbwelto kan saiyang pangaran sa serye nin mga karagadan sa kasagsagan kan war on drugs.
Partikular na digdi an paggadan sa tulong Chinese drug lords na nasa laog kan Davao Prison and Penal Farm sa Davao Del Norte.
