Ipigsugo na kan Kamara de Representante an pagpapalaya ki Office of the Vice President Undersecretary Zuleika Lopez.
An release order an pinirmahan ni House Committee on Good Government and Public Accountability chairperson asin Manila Representative Joel Chua.
Napag-araman na nakaluwas na man sa Veterans Memorial Medical Center si Lopez kasubanggi makalihis ma-confine kan Nobyembre 23.
Marurumduman na ipigsugo na madetine si Lopez kan Nobyembre 20 makalihis na ma-cite in contemp huli sa suboot “undue interference” sa imbestigasyon kan panel dapit sa confidential funds ni Vice President Sara Duterte.
Enot ng sinabi ni Lopez na wara siyang ideya kun papano ginamit kan Office of the Vice President an confidential funds huli ta an papel niya sa nasabing opisina iyo an siertuhon na naiimplementar an gabos na socioeconomic projects kan ahensya.
