LEGAZPI CITY- Naging pabor kay Vice President Kamala Harris an isinagibong debate ninda ni dating US President Donald Trump kasuudma.
Ini an naging reaksyon kan nagkapirang Fil-Am asin Us Citizen na nag-abang kan enot na debate ninda Kamala asin Trump para sa nagadang-adang na presidential elections.
Segun kay Marlo Callada, an BINC sa USA sa naging intrevista kan Bombo Radyo Legazpi, naging advantage suboot an debate para kay Kamala huli ta nanutaran an pagiging confident kaini kontra kan Trump.
Dugang pa kaini na kamawotan kan mga pinoy sa US na maibalik sa dati an ekonomiya kan nasyon, matutukan man an immigration asin an gyera sa ibang nasyon.
Mientrastanto, posible suboot na magkaigwa pa nin pangduwang debate an nasabing mga nominee sa maabot na Oktobre kun enkaso man na magtugot pa an mga ini.
