Makalihis an nagkapirang semanang konsiderasyon, napili na suboot ni Democratic presidential candidate Kamala Harris si Minnesota Governor Tim Walz na magin running mate kaini para sa November elections.
Pinaglalaoman man napormal na magpapaluwas nin anunsyo si Vice President Harris sa masunod na mga oras.
Si Walz an sarong US Army National Guard veteran asin dating paratukdo na nailehir bilang gobernador kan Minnesota kan 2018.
Bisto man ini sa pagbusol kan nagkapirang mga polisiya siring na sana kan libreng pagkaon sa mga eskwelahan, pagtataong atensyon sa climate change, pagbabawas nin buwis sa mga nasa middle class asin paid leave para sa mga obrero sa Minnesota.
Ipigbubusol man kaini an reproductive rights kan mga kababaihan.
Pinaglalaoman na dakulang tabang si Walz ngani na makuwa ni Harris an boto kan mga white asin rural voters, na bisto sa pagtataong suporta ki Republican Donald Trump sa nakalihis na mga taon.
