Interview with PC/Insp Arthur Gomez, Albay Police Provincial Office
LEGAZPI CITY – Labi an pagkakigkig kan mga residentes kan Barangay Amoguis, Polangui, Albay makalihis na madiskubre an pinagtutubudan na kalansay nin umboy sa laog kan sarong itom na plastic bag.
Segun sa impormasyon, sarong Bernavie Milan an nagbisita sa tanuman nin niyog kan nakalihis na Disyembre 16, 2016 kan maresa kaini an maraot na parong na naghahali sa sarong itom na plastic bag na nakapatos sa bado alagad dae niya ini tinawanan nin atensyon.
Alagad kan magbalik ini sa lugar kan Enero 21, yaon pa an plastic bas asin huli na man sa kuryosidad, saiya ining binuksan asin nadiskubre an kalansay nin umboy.
Tulos man ining ipina-isi sa mga opisyal kan barangay ngani na maimbestigaran.
Ipig-turn over na man an kalansay sa crime laboratory ngani na isairarom sa eksaminasyon asin masiyerto kun an nasambitan na kalansay an hali sa sarong tawo o bako.
Sa presente nagpapadagos pa man an ipigkokundusir na imbestigasyon kan mga otoridad dapit sa nasambit na insidente.
