Dae inaprubaran kan Senado an kahagadan ni Sen. Ronald “Bato” dela Rosa, na magamit kan saiyang pamilya ang Senate Mansion sa Baguio City.
Magigiromdomang nagsurat si Sen. Bato kay Senate Pres. Vicente ”Tito” Sotto III nganing hagadon na magtinir an saiyang pamilya sa Senate Mansion para sa gaganaping CSAFP Cup shooting competition sa March 26-29, 2026.
Susog sa liham na naresibe kan Office of the Senate Secretary, gagamiton sana suboot an mansion nganing madagusan kan pamilya kan senador.
Dae man nabanggit sa liham kun maiba man si Dela Rosa sa nasabing aktibidad.
Siring man, sinabi ni Senate Secretary Mark Llandro Mendoza na dae pwedesir pagbigyan an kahagadan kan senador huli sa presente ining nagsasairarom sa pagkukumpuni ang Senate Mansion.
Magigiromdomang dae na nag-aatendir sa Senado si Dela Rosa mga sesyon sa Senado mula puon kan Nobyembre 2025, kasunod kan mga report na nagluwas na nin arrest order ang International Criminal Court (ICC) katakod kan kasong kasong crimes against humanity laban kay dating Presidente Rodrigo Duterte.
