LEGAZPI CITY-Tinawan nin honra sa pinakaenot na pagkakataon an sarong Filipino Educator na si Edison David sa Windsor Castle sa United Kingdom kan Miyerkules, Mayo 13.
Naresibe niya an Member of the Order of the British Empire (MBE) Medal kan Disyembre 28, para sa saiyang serbisyo sa edukasyon na hale mismo kay Prince William sa ngaran ni his Majesty King Charles III.
Segun saiya sa eksklusibong intrevista kan Bombo Radyo Legazpi na hasta sa ngonian “overwhelming” an pangyayari saiya.
Sinabi ni David na importante an saiyang trabaho sa likod kan naresibeng honra.
Pag-historya niya na hale siya sa modest background asin pinadagos an teaching career sa United Kingdom.
Pinaka obheto suboot niya na makatabang sa mga disadvantage people asin masierto an edukasyon sa sainda ngani magkaigwa sinda nin maayos na pamumuhay asin social mobility para sa iba pang mga opurtunidad.
Naresibe niya an saiyang honra makalihis mag-publish an Official gazette sa Buckingham Palace kun sain nakatukaw an monarchy nin pig-aapod na King’s New Year Honours List, na pigsasagibo sa duwang petsa kada taon.
An nasabing listahan an nakakaresibe nin award membership para sa most excellent order kan British empire.
