LEGAZPI CITY—Plano ngunyan kan mga opisyales kan Barangay Pawa, Legazpi City na magbugtak nin kadugangang CCTV asin karatula na nagsasabing bawal an magtapok nin basura sa lugar kasunod kan mga nanutarang mga basura sa parte kan saindang dike.
Segun ki Brgy. Pawa Barangay Official Hon. Edson Sotto, sa intrevista kan Bombo Radyo Legazpi, ini nganing ma-monitor an mga tawong nag-aagi asin an may mga balak pang magtapok nin basura sa naunambitang lugar.
Tulos man nindang nilinig an mga nanutarang basura asin tineketan an nagtapok kaini.
Nilinaw man kan opisyal na bako man ini residente kan saindang barangay asin nag-agi sana suboot sa lugar.
Nagpagiromdom man si Sotto sa mga residentes kan Barangay Pawa na ibitaran an pagtapok nin basura sa maski sain huli sa nagkukundusir man sinda nin pangongolekta kan saindang mga basura.
