LEGAZPI CITY- Pigkokunsiderar na matrayumpo an labi sa sarong semana na filing kan certificate of candidacy sa bilog na rehiyog Bicol.
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na nasa kabilugan na 2, 673 na mga indibidwal an nagsunad nin kandidatura sa manlain lain na mga posisyon.
Igwa man na nairehistro na limang personalidad an nag-withraw kan saindang kandidatura asin tulo an dae inakseptar kan ahensya huli sa salang mga dokumento asin dae na nakahabol pa.
Basado sa datos, napag-araman na nasa 20 an uncontested positions sa rehiyon.
Kaibanan sa mga ini an anom na alkalde, 13 Vice Mayor asin sarong bilog na slate kan Sangguniang Bayan members.
Pinaglalaoman man na maipapaluwas sa Disyembre an pangaran kan mga kandidato na maluwas sa balota. VC_Commission on Elections Bicol Director Atty. Jane Valeza
