LEGAZPI CITY-Sinabi kan grupo nin kabataan na na valid an dagit kan taumbayan sa pagprotesta laban sa mga Discaya, huli sa makusog na pangangapudan kaini na magkaigwa nin paninimbagan asin masuspendir an gabos na flood control projects mantang wara pang pagbabago asin maayos na performance sa audit, kun sain kinakaipuhan na an pag-kaso sa mga pinaka-kurakot na nakapagsamsam hale sa kita sa mga flood control projects.
Segun kay Kabataan Partylist Representative Congresswoman Renee Co, sa intrevista kan Bombo Radyo Legazpi, na kun itataning ini sa magarbong pamumuhay ninda an dai ninda masasabutan kun pano ini nangyayari sa taumbayan.
Tinawan doon man niya na an konklusyon kaini, an dapat na maberipika, asin kaipuhan an pag-audit asin pag-review, kun sain parte kan kurapsyon na ini an mga kwartang hale sa taumbayan, na iyo suboot an totoong krimen asin pagpapasakit sa mga namamanwaang Pilpino.
Sinabi man ni Co, na an mga dugi asin pintura na itinapok, an kadikit sana kumpara sa mga naraot na kabuhayan asin an apektadong pag-aadal asin trabaho huli sa pagbabaha na kawsa kan mga palpak na flood control projects.
Dugang pa niya na an kawsa kan protesta an igwang pinanghahalian, kun sain dapat dai magkaigwa nin pag-silensyo, sensorship, o magin harassment na maeeksperyensyahan kan mga protestante.
Kaipuhan man suboot na mapanimbag an dapat na mapanimbag siring man an mga kontratista na nag-absent sa senado.
Sinabi pa kan opisyal na “plunder” kun iisipon asin tunay na nakakulog ini sa gabos kun kaya kaipuhan na mapanimbag an mga Discaya.
Laoman man suboot na sa masunog na aldaw, an pagdakol pa kan mga nagpoprotesta, kun sain dapat na maipahatod an boses kan taumbayan asin dai pagpalagpason ini, orog na an pagkakaigwa nin insertions na dapat napapaduman sa serbisyong panlipuna na namamatian kan mga namamanwaang Pilipino.
