LEGAZPI CITY-Pangapudan kan Kabataan Partylist Bicol sa gobierno kasunod kan November 30 Rally sa ciudad kan Legazpi an pagtatao nin prayoridad sa edukasyon para sa matanos na futuro kan kajovenesan.
Susog sa pahayag ni Kabataan Partylist Bicol Chairperson Nic Valencia na dapat gabos na imbuelto kurapsyon an panimbagon huli sa sunod-sunod na nagipit sa krisis an mga Pilipino orog na sa mga Bikolano.
Nailantad man suboot an palpak na mga proyekto sa nag-aging mga kalamidad sa mga scam kan mga kurakot na
contractor, ahensya siring kan DPWH asin an mga politikong nagin rason kaini.
Tinawan doon man ni Valencia na labing apektado an mga jovenes sa saindang pagaadal, poon sa suspensyon nin klase, pagsumiter nin requirements liwat sa warang maayos na suplay nin kuryente.
Pigkurahaw man niya an pagigin apektado kan mga estuyante huli sa bulok na sistema dara kan kurapsyon sa gobierno.
Malinaw man suboot an pangapudan kan saindang grupo na mag-demitir na sa puwesto an Presidente magin an Bise Presidente.
