Dae isinasantabi ni House Justice Committee member asin Manila Rep. Joel Chua ang posibilidad na mas mapahalipot an hearing sa duwang impeachment complaint laban kay Vice President Sara Duterte.
An komite an igwang 60 session days nganing tukaron an apat na reklamo laban sa bise presidente puon kan nai-refer ini sa komite, Pebrero-23 kan presenteng taon.
An dating apat an presente na sanang nagin duwa makalihis magdesisyon an komite na nagbalgar sa 1-year bar rule an enot mantang an ikaduwang reklamo an dagos man na binawi kan mga complainant.
Segun ki Rep. Chua ang laba kan pagtukar sa mga reklamo an madepende man liwat sa mga ebidensiyang iprepresenta asin mga testimoniyang iluluwas, kapwa kan mga complainant asin mga respondent.
Posible man mas mapadali an pagtukar kun pipilion kan kampo kan bise presidente na dae na maghampang sa hearing.
Segun ki Chua, dakula an posibilidad na dae isesentro kan komite an bilog na 60 session days bago idagos sa plenaryo an hearing sa duwang natatadang impeachment complaint laban kay VP Sara.
Enot nang nahilingan nin bastante na form, substance, asin grounds, an duwang natatadang reklamo laban sa bise presidente.
Segun ki Chua dakol dapat na surion sa hearing proper na nakatalaang magpuon sa Marso 25.
