LEGAZPI CITY — Pig-iibitaran suboot kan Justice Committee na maakusaran sinda na warang consistency sa pagdedesisyon sa mga ipigsumiteng impeachment complaints laban sa mga opisyal kan gobyerno.
Ini katakod naman kan mga isinumiteng reklamo kontra kina Chief Justice Maria Lourdes Sereno asin Commission on Election (Comelec) Chairman Andres Bautista.
Sinabi ni AKB Partylist Rep. Alfredo Garbin, saro sa miembro kan committee on justice, gusto kan komite na maging consistent sa ruling kun kaya ibinasura an reklamo kontra ki Bautista asin an pangaduwang reklamo ki Sereno na parehong defective an verification form.
An naging ruling ki Sereno an naging basehan ngane na dae suboot sinda akusaran asin istrikto an saindang pagsunod sa rules of impeachment.
Ibinasura man suboot an reklamo ni VACC Chair Dante Jiminez kontra ki Bautista huli sa insufficiency in form. Si Jimenez man an saro sa mga nagsumite nin impeachment complaint laban ki Sereno.
Mientras tanto, sinabi ni Garbin na dae na sinda ma-entertain nin anumang impeachment complaint ngonian na taon huli ta susog sa Konstitusyon saro sanang set nin reklamo an pwedesir dangugon kada taon.
