Liwat na nadugangan an mga onra sa award-winning Filipina actress na si Judy Ann Santos huli ta siya an nanggana bilang pinakamatibay na aktres sa 45th Fantasporto International Film Festival na ginanap puon Pebrero 28, 2025, hanggang Marso 8, 2025, sa Batalha Centro De Cinema, Porto, Portugal.
Nanggana si Judy Ann huli sa matibay niyang pagganap sa Espantaho na may English title na Scarecrow.
Ini an saiyang ikaduwang best actress award para sa nasambit na pelikula huli ta siya man an nanggana sa Gabi ng Parangal kan 50th Metro Manila Film Festival (MMFF) kan Disyembre 27, 2024.
